माजी आमदार भालेराव यांचे अंगणात आंदोलन: सरकारचा निषेध
उदगीर:
गेल्या दोन महिन्यांपासून राज्यात कोरोनाने धुमाकूळ घातला आहे. वरचेवर रुग्ण वाढत आहेत. या परिस्थितिला राज्यातील महा विकास आघाडीचे सरकारच जबाबदार असल्याचा आरोप भारतीय जनता पार्टीकडून करण्यात आला आहे. या पार्श्वभूमीवर भाजपाकडून मेरा अंगण मेरा रणांगण महाराष्ट्र बचाव आंदोलन राज्यभर पुकारण्यात आले होते. आपल्या स्वतःच्या घरी कार्यकर्त्यांनी हे आंदोलन करावे असे आवाहन भाजपाच्या वतीने करण्यात आले होते. या आंदोलनाला प्रतिसाद देत माजी आमदार सुधाकर भालेराव यांनी आपल्या अंगणात हे आंदोलन यशस्वी केले.
माजी आ. भालेराव यांच्यासह या आंदोलनात अमोल भालेराव, भाजपा महिला आघाडीच्या माजी जिल्हाध्यक्षा उत्तरा कलबुर्गे, जिल्हा उपाध्यक्षा जया काबरा, उषा माने, रमाबाई वाघमारे आदींसह महिला पदाधिकारी उपस्थित होते.
